Pjesëtarë të Policisë së Kosovës që luftojnë kontrabandën nga veriu në jug të Mitrovicës dhe Kosovës, janë gjithnjë shënjestër e sulmeve nga ana e kontrabandistëve.
Por rasti më i fundit ka qenë vërtet flagrant dhe i pazakontë.
Në fshatin Brezhnicë, një makinë e policisë që ishte në ndjekje të një kamioni që dyshohej se po transportonte sasi karburanti kontrabandë, u përplas ng ky i fundit pas u braktis.
Të zotët ia mbathën për në pyll, ndërsa kamioni vijojë te ecë pas pa drejtim, duke shkaktuar përplasjen me automjetin e policisë.
Për këtë shkak, dy efektivë policorë të stacionit të Vushtrisë pësuan lëndime të rënda trupore, e siç u tha, vetëm Zoti i ka shpëtuar ata nga vdekja e sigurt.
Në tërë këtë kontrabandim të mallrave, mendohet se janë të përfshirë direkt një grup nga kolegët e tyre, që në vend të zbatimit të ligjit, kanë vendosur të bashkëpunojnë me krimin e kontrabandës.
“Si është e mundur që një autobot i ngarkuar me naftë të mos ndalet nga asnjë patrullë e policisë për rreth 20 km, pasi hyn në jug të Mitrovicës dhe Kosovës?!”, pyet një burim i portalit tesheshi.com, që thotë se posedon të dhëna për përfshirjen e disa pjesëtarëve të policisë e doganave të Kosovës në këtë kontrabandë gjigande,
Sipas burimit, këta të fundit janë shumë të informuar dhe dinë çdo lëvizje të patrullave të policisë, ku ato janë të stacionuar, dhe pastaj ata e kanë të lehtë të kontrabandojnë, pasi iu shmangen atyre duke shfrytëzuar rrugët rurale.
“Këto informacione rreth lëvizjeve të njësiteve të policisë dhe doganave, kontrabanduesit munden me i marr vetëm nga brenda strukturave të tyre”, ka thënë burimi.
Dhe kështu, zyrtarët më të lartë të policisë në Mitrovicë, në konspiracion të plotë kanë vendosur që të formojnë një njësi të veçantë që njihet vetëm prej tyre, e që do jetë ajo e cila do luftojnë kontrabanden.
“Kjo njësi, përveç luftës së hapur me kontrabandistët, tani po bën dhe hetime rreth përfshirjes së pjesëtarëve të policisë dhe doganave ne këtë rrjete kriminal, ka thënë burimi i portalit tesheshi.com.
“Që mos dekonspirohet, ky njësit special policor s’pari është me rroba e makina civile, kanë burimet e tyre informacionit, dhe nuk bëjnë ndalimin e asnjë makine, kamioni apo autoboti që kontrabandon. Ata vetëm i përcjellin automjetet e kontrabandës dhe njoftojnë një eprorët e tyre në polici, e pastaj janë këta që urdhërojnë patrullat që të ndalojnë filan makinë”, ka thënë burimi.
Por zëdhënësi i policisë për rajonin e Mitrovicës, Avni Zahiti, ka theksuar se vërtet komanda rajonale ka bërë një plan operativ për luftimin e kontrabandës, porse nuk ekziston ndonjë njësi sekrete.
Afërmendsh mendohet se me këtë përgjigje, zëdhënësi Zahiti nuk ka dashur që të jap detaje të tjera rreth këtij njësiti sekret policor që kohëve të fundit ka dhënë rezultate në luftën kundër kontrabandës. /tesheshi.com/
