Nga Blendi Gashi
Se sistemi i drejtësisë në Kosovë çalon me të madhe kjo fare nuk ka dilemë, dhe këtë e dëshmon edhe numri i lëndëve të grumbulluara nga paslufta që është bërë lëmsh që assesi nuk i gjendet fija.
Se ka mungesë efikasiteti, korrupsion e qasja në informata nuk është e kënaqshme e tregon edhe një raport i organizatës “Demokracia Plus”, ku njerëzit që kanë më së shumti punë me këto institucione, pra avokatët gjatë vlerësimit të punëse së gjykatave themelore kanë pranuar se korrupsioni qëndron brenda gjykatave.
Korrupsioni në gjykata…
Një numër jo i vogël i avokatëve kanë konfirmuar se ekziston korrupsioni brenda gjykatave.
13% e avokatëve kanë thënë se i është kërkuar ryshfet nga gjyqtari, punonjësi i gjykatës ose ndonjë ndërmjetës, ndërsa 87 % kanë mohuar këtë gjë.
Ndërsa 17 % e avokatëve kanë thënë se janë në dijeni kur kolegët kanë korruptuar gjyqtarin ose punonjës tjetër të gjykatës, kurse 83 % kanë mohuar.
Efikasiteti i gjykatave…
Sipas avokatëve arsyet për shtyrjen e seancave janë të ndryshme.
32% e rasteve sipas avokatëve ndodhin për shkak të gabimeve procedurale të gjykatave, 30 % mungesa e palës tjetër, 17% mungesa e ekspertëve dhe dëshmitarëve, 16 % mungesa e prokurorit dhe 5 % mungesa e tyre (avokatëve).
Avokatët thonë se 77 % të lëndëve Gjykata e Apelit i kthen më shumë se dy herë, kurse 23 % jo.
Kurse sa i përket kohës mesatare për caktimin e seancës së parë nga data e depozitimit, avokatët thonë se 35 % e rasteve shkon deri në 24 muaj, 30% nga 12-24 muaj, 23% nga 6-12 muaj dhe 12 % nga 2-6 muaj.
Qasja në informata…
Avokatët kanë dhënë jo pak vërejtje për marrjen e informatave nëpër gjykatat themelore.
25% e avokatëve vlerësojnë si shumë të vështirë qasjen në informata, 27 % deri diku të vështirë, 28% deri diku të lehtë dhe 20% të lehtë.
Ndërkaq shumica e avokatëve janë të kënaqur me dobinë që u sjell informacioni që marrin.
21% e avokatëve e vlerësojnë informacionin shumë të dobishëm, 51 të dobishëm, 19 % deri diku i dobishëm dhe 9% shumë i padobishëm.
Ueb-faqet e internetit të gjykatës në shumicën e rasteve nuk përdoren nga avokatët.
66% kanë deklaruar se e përdorin kurse 34 % jo.
Kurse sa i përket bisedave me gjyqtarin për statusin e rastit 48.57% kanë deklaruar se bisedojnë, 37.46 asnjëherë, 8.25 shpesh dhe 5.71 gjithmonë. /tesheshi.com/
