Drejtuesja e Institutit të Shëndetit Publik, Silva Bino, dha lajmin e mirë se “pacienti zero” me koronavirus në Shqipëri, një 28-vjeçar nga Tirana, e ka patur efektin e infektimin deri te babai i tij. Së paku kjo deri më tani, pas gjurmimit të kontakteve që ai ka patur gjatë kthimit nga Firence, ku ka hyrë më pas, me automjet privat, në pikën e kalimit të Murriqanit në Shkodër.
“Ne kemi një rast të importuar, ky quhet pacienti zero, dhe kemi kontaktin e ngushtë të tij, nuk kemi një transmetim komunitar. E kemi të qartë rrugën që ka ndjekur, dhe i kemi të qarta fare mirë kontaktet që ka pasur. Kontakti më i ngushtë i tij është infektuar (babai)”, tha znj. Bino.
Ajo sqaroi më tej se po ekzeminohen disa nga familjarët e të prekurve babë e bir.
“Në proces testimi janë 14 raste që i përkasin kontakteve të ngushta që janë identifikuar pozitiv”.
Znj. Bino përcolli falenderime për për dy të infektuarit, të cilët janë treguar të gatshëm për t’iu nënshtruar analizave, të cilat më pas rezultuan pozitive. /tesheshi.com/
