Koronavirusit iu dha emri i ri COVID-19, tha të martën Drejtori i Përgjithshëm i Organizatës Botërore të Shëndetësisë (WHO) Tedros Adhanom Ghebreyesus.
Ai shpjegoi se ishte e rëndësishme për të shmangur stigmën dhe se përdorimi i emrave të tjerë ishte i pasaktë.
Udhëheqësi i OBSH-së u ka kërkuar shteteve të jenë “sa më agresive” në luftën kundër COVID-19.
“Nëse bota nuk dëshiron të zgjohet dhe të përballet me virusin si armiku nr.1 publik, nuk mendoj se do të mësojmë nga ky pësim,” tha Ghebreyesus në Gjenevë.
“Ne jemi akoma në një strategji kontrolli dhe nuk duhet të lejojmë që virusi të fitojë hapësirë për transmetimin lokal,” tha ai.
OBSH hapi një konferencë shkencore në Gjenevë kushtuar zhvillimit të ilaçeve dhe vaksinave kundër virusit koronar, duke u kërkuar ekspertëve të harrojnë fitimet, sepse tani është e rëndësishme të shpëtohen jetë.
Deri më tani, Kina ka konfirmuar se 42.708 njerëz janë infektuar dhe 1.017 kanë vdekur, tha Ghebreyesus.
OBSH deklaron se 168 laboratorë në të gjithë botën aktualisht po kryejnë teste për të gjetur një kurë për këtë sëmundje vdekjeprurëse.
Vdekja e parë e shkaktuar nga ky virus ndodhi në dhjetor në qytetin kinez Ëuhan, ndërsa shpërthimi i epidemisë dhe u raportua në 11 janar. /tesheshi.com/
