E ndërsa në Shqipëri si kudo në rajon po shfaqen raste infeksioni me koronavirus, është Kosova ajo që “nuk po dorëzohet”.
Autoritetet shëndetësore në Prishtinë konfirmuan pastërtine e deritanishme nga flama e ardhur nga Kina, ndërkohë që janë vetëm 6 pacientë te dyshuar të cilët po trajtohen.
“Gjendja e përgjithshme e pacientëve është e mirë. Ne çdo ditë do të presim raste sporadike dhe është normale që kanë me ardhur për të kërkuar ndihmë edhe pse deri tash kanë ardhur me simptoma të lehta. Për momentin nuk ka pacientë që kanë simptoma më të theksuara”, tha Lindita Ajazaj-Berisha, drejtoreshë e Infektivit.
Nga ana tjetër, drejtori i SHSKUK-së Basri Sejdiu, tha se e kanë formuar një komitet multidisplinar në të cilën janë bërë përgatitje që disa klinika janë bërë porta hyrëse me një gatishmëri, si dhe me masa preventive për stafin dhe është rritur më shumë higjiena në përgjithësi. /tesheshi.com/
