Departamenti i Tregtisë i SHBA ka shqiptuar sanksione ndaj nëntë institucioneve dhe kompanive kineze për shkeljen e të drejtave të njeriut në rajonin Xinjiang, posaçërisht, shtypjen e popullsisë muslimane ujgure.
“Instituti shkencor për shkencat mjekoligjore në Ministrinë e Sigurisë së Kinës dhe tetë kompani kineze janë përfshirë në listën e sanksioneve. Si pjesë e sanksioneve, këto nëntë kompani do të jenë të ekspozuara ndaj kufizimeve të reja për hyrjen në teknologjinë amerikane “, thuhet në një deklaratë.
U theksua se këto kompani do të përballen me rregulla të rrepta kur blejnë produkte amerikane.
“Këto nëntë institucione morën pjesë në aktivitete kriminale të tilla si shkelje të të drejtave të njeriut, abuzime, fushata shtypëse dhe arrestime arbitrare të ujgurëve kinezë dhe pakicave të tjera muslimane në Rajonin Autonom të Xinjiang”, shtoi deklarata.
Departamenti i Tregtisë amerikane ka vendosur sanksione ndaj 24 institucioneve dhe organizatave të tjera me bazë në Kinë, “për pjesëmarrje në aktivitete që nuk janë në interes të sigurisë kombëtare ose politikës së jashtme të SHBA”.
Organizatat kineze të të drejtave të njeriut janë përpjekur për ca kohë të tregojnë për bashkësinë ndërkombëtare problemin e komunitetit Ujgur në Xinjiang, në të cilin miliona njerëz janë burgosur në kampe transformimi.
Organizata ndërkombëtare Human Rights Watch (HRW) gjithashtu deklaroi në një raport të fundit se shumë njerëz në Xinjiang kanë përfunduar në paraburgim në të ashtuquajturat qendra të edukimit politik në dy vitet e fundit. /tesheshi.com/
