Koreja e Veriut ka mbështetur kandidaturën e republikanit Donald Trump në zgjedhjet presidenciale në Shtetet e Bashkuara të Amerikës, të cilat do të mbahen në nëntor të vitit 2016.
Trump ka deklaruar më parë se do të takojë liderin koreano-verior Kim Jong Un për të diskutuar në lidhje me çështjen e armëve nukleare. Ky është një hap që përfaqëson një hap historik, duke parë marrëdhënien aspak miqësore mes dy shteteve deri më tani.
Një shkrim në sajtin propagandistik DPRK Today i ka thurur elozhe Trumpit, duke e cilësuar si “politikanin më të zgjuar që mund të çlirojë amerikanët nga frika e përditshme e një sulmi nuklear nga Koreja e Veriut”. Autori i artikullit, Han Yong Muk mbështet idenë se manjati amerikan është zgjedhja e duhur për SHBA-në.
Në DPRK Today mund të lexohet edhe një analizë e cila mbështet idenë e Trump për të tërhequr trupat amerikane nga Koreja e Jugut, me qëllim për riunifikimin e gadishullit korean.
Byroja e gazetarëve shumë pranë regjimit të Pyongyang ka fyer sfidantet demokrate Hillary Clinton, duke e quajtur si “të shurdhët” duke qenë se pretendon të aplikojë në Kore të njëjtat sanksione si edhe në të shkuarën në Iran. /tesheshi.com/
