Vendi i izoluar aziatik ka kryer një provë të pestë bërthamore, e mbase më të fuqishmen, duke provokuar dhe një tërmet me magnitudë 5.3 ballë.
Koreja e Veriut pohoi se kishte kryer një provë të suksesshme të shpërthimit të një mbushjeje bërthamore.
Media shtetërore në vend njoftoi po ashtu se prova bërthamore ishte kryer me sukses.
Mendohet se kjo provë është planifikuar të përkojë me 68-vjetorin e regjimit të Phenianit.
Presidenti i Koresë së Jugut, Park Geun Hye, e quajti provën bërthamore një provokim, që do të çonte në sanksione të tjera ndërkombëtare.
Mësohet se ai ka folur në telefon me presidentin Obama, që ka përsëritur angazhimin e SHBA-ve për sigurinë e aleatëve në Azi, duke paralajmëruar dhe për pasoja serioze për Korenë e Veriut.
Kina, po ashtu, ka shprehur nëpërmjet Ministrisë së Jashtme kundërshtinë.
Agjencia Ndërkombëtare e Energjisë Atomike ka reaguar nëpërmjet drejtorit të përgjithshëm, Yukiya Amano, “Kjo është një shkelje e qartë e rezolutave të shumta të Këshillit të Sigurimit të OKB-së, dhe në shpërfillje të plotë të kërkesave të përsëritura të bashkësisë ndërkombëtare.” /tesheshi.com/
