Koreja e Veriut po zhvillon një vaksinë kundër virusit COVID-19, njoftoi Komisioni i Shkencës dhe Teknologjisë në Pyongyang.
Sipas raportit të publikuar në faqen e internetit të këtij institucioni, shkencëtarët vendas aktualisht po kryejnë prova klinike mbi vaksinën.
Shtohet se puna për vaksinën drejtohet nga Akademia e Shkencave Mjekësore, duke përdorur enzimën konvertuese të angiotenzinës 2 (ACE2).
Deklarata thotë se gjatë hulumtimit, i cili filloi këtë muaj me testimin e kafshëve, u konfirmua imunogjeniteti dhe siguria e vaksinës së mundshme, raporton agjensia e Koresë së Jugut Yonhap.
Eshtë thënë se shkencëtarët aktualisht janë duke menduar fillimin e fazës së tretë të kërkimit.
Koreja e Veriut nuk ka raportuar asnjë rast të koronavirusit që prej fillimit të pandemisë.
Duke rrahur gjoksin për këtë fakt, vendi komunist tashmë është përfshirë dhe në sfidën e të prodhuarit të një vaksine, ku në garë janë rreth 200 shtete apo institute. /tesheshi.com/
