Koreja e Veriut është padyshim një nga vendet më të izoluara në botë. Është shumë e vështirë të futesh, por akoma më e vështirë është të dalësh.
Komunikimi me pjesën tjetër të botës është shumë i kufizuar, e në disa raste krejtësisht i shkëputur, si në rastin e internetit.
Ndryshe nga pjesa tjëtër e botës ku interneti është një rrjet global i lidhur bashkë, në Korenë e Veriut ekziston një rrjet interneti i brendshëm, i quajtur Kwangmyong, i cili nuk është i lidhur me jashtë.
Shërben kryesisht për të dërguar email-e, për të vizituar faqet e regjimit, e për të lexuar lajmet (ato të kontrolluarat), si dhe për të hyrë në një bibliotekë elektronike.
Populli koreanoverior është nga më të varfrit në botë, por ata besojnë se pjesa tjetër e botës jeton akoma më keq. /tesheshi.com/
