Korea e Veriut ka lëshuar tre raketa të tjera në orët e natës, por njëra ka shpërthyer ende pa u ngritur, kurse dy të tjerat kanë arritur një lartësi të vogël.
Këtë e bën të ditur BBC, e cila ka intervistuar Dave Benham, komandantin e Us Pacific Command, i cili deklaroi se “realisht lançimi i të treja raketave ka dështuar”.
Sipas gjeneralit amerikan këto raketa nuk e rrezikojnë fare ishullin Guam apo territorin e SHBA-së.
Ndërkaq, qeveria e Koresë së Jugut, bëri të ditur se raketat kanë rënë pasi kanë përshkruar 250 kilometra nga pika fillestare, duke rënë në Detin e Japonisë. /tesheshi.com/
