Vetëm Skënderbeu, nga tre skuadrat shqiptare, ka mundur të kalojë turin e parë në kupat europiane.
Korçarët i kanë dhënë një “pesçe në fytyrë” modestëve të Sant Julia, duke shënuar 5 gola jashtë fushe. Vujoviç, Xhejms e një autogol, shënuan të parët, ndërsa Shkodra dhe Latifi mbyllën historitë në fund të ndeshjes.
Ndërkohë, ashtu sic pritej, Botev Plovdivi mundi Partizanin 1-0, edhe në ndeshjen e dytë, pavarësisht se të kuqtë u paraqitën më mirë se në Tiranë.
Pa shumë koment mund të përshkruhet edhe ndeshja e Tiranës kundër Makabit të Tel Avivit në Tiranë.
Kryeqytetasit rezistuan vetëm në pjesën e parë, ndërsa në të dytën, pësuan 3 gola. Pavarësisht se merkato ka vetëm pak që ka filluar, me çfarë u pa në fushë, Partizani e Tirana, kanë ende shumë…po shumë punë për të bërë. /tesheshi.com/
