LSI ka mbledhur këtë të dielë Konventën e saj Kombëtare, i pari eveniment i madh i kësaj force që pas rënies së beftë në opozitës, si pasojë e një shah-mati të Ramës pak para zgjedhjeve.
Siç dhe pritje, ligjërimi bazë i fjalëmbajtësve, ka qenë një denoncim e një gjyq i qeverisjes së Ramës, duke e kurorëzuar atë si “timonier i krimit dhe i drogës”.
“Rama të ikë. Ky kryeministër që ne kemi nuk ndahet dot nga krimi, sepse është organizatori, frymëzuesi, pagatori dhe koordinuesi i krimit dhe kriminelëve. Jemi për ta ndalur sot kryeministrin, i cili ka vetëm një strategji jo vetëm që të çojë drogë në Europë por dhe të grabisë shqiptarët”, tha nr. 2 i LSI-së, Petrit Vasili.
Ndërsa nr. 1, kryetarja Monika Kryemadhi, tha: “Nuk kemi më kohë për të humbur me retorikën politike që bie në veshët e shurdhët të qeverisjes banditeske. Ne jemi gati të përballemi. Ne duhet të shkundim apatinë kolektive për hir të interesit të përbashkët kombëtar kundër rrezikut. Duhet të thyejmë heshtjen për ti dhënë zë qytetarëve që u kërcënohet jeta në rrugët e vendit.
Por në dy herë gjatë fjalëmbajtjes së saj, znj. Kryemadhi citoi frazën “për Shqipërinë që duam” pasuar nga ajo “për Shqipërinë europiane”, që në fakt janë fraza tipike të Ramës brenda dhe jashtëpartiak. /tesheshi.com/
