50 vite më parë, mjeku Broda Barnes zbuloi se temperatura e trupit është një tregues shumë i mirë në lidhje me aktivitetet e dobëta të organizmit. Ai i ka kushtuar një rëndësi të veçantë temperaturës së trupit pas zgjimit nga gjumi. Gjithashtu, mjeku foli edhe për gjëndrën tiroide në detaj, në librin e tij, ku shpjegoi se çfarë ndodh në trup në rast se kjo gjëndër nuk funksionon siç duhet. Mjeku Barnes ka krijuar edhe një test që çdokush mund ta realizojë vet në shtëpi. Është shumë i thjeshtë dhe nëpërmjet tij do të kuptoni nëse gjëndra punon apo jo siç duhet.
Testi Barnes
Përpara se të shkoni në shtrat, merrni një termometër dhe shkundeni mirë. Çojeni në temperaturën fillestare 35°C.
Pasi të zgjoheni nga gjumi, vendosni termometrin në sqetull. Mbajeni atë për rreth 10 minuta. Kur të lexoni rezultatin, mbajeni atë shënim. Ky rezultat njihet si ‘temperatura bazike e trupit herët në mëngjes’. Temperatura normale është mes 36.5 dhe 36.8 gradë celsius. Kijeni kujdes dhe mbajeni parasysh këtë, pasi nëse ju vuani nga ndonjë sëmundje apo nëse jeni me cikël menstrual, temperatura mund të variojë. Bëjeni këtë test vetëm kur të jeni tërësisht të shëndetshëm.
Rezultatet e testit
Tiroidja vepron në mënyrë normale kur temperatura e trupit është mes 36.5 dhe 36.8 gradë. Në rast se temperatura është rreth 36.5 tiroidja punon në mënyrë të reduktuar (hipotiroidizëm). Kini parasysh se depresioni, lodhja, infeksionet, dhimbjet kronike të kokës, humbja e flokëve, problemet me kujtesën, janë simptoma që tregojnë për probleme të tiroides.
Nëse temperatura është më e lartë se 36.8 gradë, puna e tiroides është e përshpejtuar (hipertiroidizëm), ose ju keni një infeksion në trup./tesheshi.com/
