Autoriteti Kombëtar i Ushqimit (AKU), njofton se ka bllokuar një tjetër ngarkesë produktesh ushqimore nga Brazili
Fjala është 46.2 tone produkte që duhet të hynin në territorin shqiptar, por që duhet të kthehen pas në Brazil.
“Ngarkesa me sasinë 27 ton ‘Fileto pule’ nga Brazili, nuk përmbushte kërkesat ligjore të sigurisë ushqimore, pasi rezultoi me ngarkesë mikrobiologjike (analizat evidentuan prezencë Salmonella spp).
Ngarkesa me sasinë 19.2 ton ‘Kafe kokërr e papjekur’ nga Brazili, nuk përmbushte kërkesat ligjore të sigurisë ushqimore, pasi kishin mangësi në dokumentacionin shoqërues (certifikata fitosanitare nuk ishte lëshuar nga autoriteti zyrtar i vendit të origjinës, siç parashikohet në ligj)”, njofton AKU. /tesheshi.com/
