Policia e Shtetit vijon kontrollin e territorit në kuadër të një plani masash kundër kultivimit të narkotikëve.
Por duket se punonjësit e policisë janë surprizuar kur në oborrin e banesës së një shtetasi kanë gjetur rreth 48 rrënjë kanabis.
Çudia nuk ka të bëjë me sasinë, por me faktin se narkotikët ishin kultivuar në mënyrë jo të fshehtë, apo larg zonës së banimit.
Burimet zyrtare bëjnë të ditur se arrestuan shtetasin Agim Hadëraj, 52 vjeç, banues në Selenicë, të cilit iu gjetën edhe 3.5 kg lëndë narkotike Cannabis Sattiva, e cila u sekuestrua në cilësinë e provës materiale.
Mbi të arrestuarin rëndojnë akuzat e ”kultivimit të bimëve narkotike” dhe ”prodhim e shitje të narkotikëve’’. /tesheshi.com/
