Të premten, policia e Qarkut të Lezhës u ka mësyrë shtëpive, magazinave, e madje dhe serave me të mbjella të të gjithë zonës së Kurbinit në një aksion kontrolli anti-drogë.
Sipas autoriteteve policore lokale, aksioni është zhvilluar në kuadër të planit të masave për parandalimin, zbulimin, goditjen dhe dokumentimin e aktivitetit kriminal të kultivimit të bimëve narkotike në sera dhe ambienteve të mbyllura.
Po nga këto autoritete, është bërë me dije se këto kontrolle do të vijojnë më tej, sidomos në ambientet mbyllura, ndërkohë që po mbahen nën vëzhgim përsonat dhe zonat që me parë kanë pasur aktivitet të tillë kriminal dhe që mund të riaktivizohen përsëri.
Dhe nga verifikimet e bëra në vend nga grupet e kontrollit, nuk është konstatuar asnjë rast i kultivimit të bimëve narkotike. Ky aksion në Qarkun e Lezhës, vjen pas zbulimit në Lazarat të një magazine ku po rikultivohej kanabis, duke përdorur ndriçues elektrike. /tesheshi.com/
