Mënyra se si përgatiten patatet ka ndikim të rëndësishëm në shëndetin e njeriut. Njerëzit që hanë patate të skuqura dy ose më shumë herë në javë, kanë më shumë gjasa për të vdekur në një moshë më të re se ata që e shmangin atë, sipas një studimi të publikuar në American Journal of Clinical Nutrition.
“Konsumi i patateve të skuqura është në rritje në mbarë botën,” shprehet i shqetësuar dr. Nicola Veronese, autori kryesor i studimit, duke shtuar se patatet e skuqura, patatinat dhe çdo lloj tjetër gatimi tyre i skuqur në vaj, dëmtojnë shëndetin e njeriut. Ai gjykon se ky lloj gatimi i tye çon në kolesterol të lartë, i cili shkakton sëmundje kardiovaskulare.
Gjithashtu, obeziteti, mungesa e aktiviteteve fizike dhe konsumi i lartë i kripës, mund të ndikojë në vdekje të parakohshme tek njerëzit të cilët konsumojnë dy ose më shumë herë në javë patate të skuqura, konkludon dr. Veroneze. /tesheshi.com/
