Kuvendi i Kosovës edhe sot në seancën e paradites nuk ka mundur të zgjedhë organet drejtuese, pasi deputetët e koalicionit PDK-AAK-NISMA bojkotuan punimet parlamentare.
Të pranishëm në sallë ishin deputetët e Vetëvendosjes dhe koalicionit LDK-AKR-Alternativa, deputeti Milaim Zeka i NISMA dhe Teuta Rugova, e cila dje mbështeti PAN.
Drejtuesi i seancës, Adem Mikullovci, pas diskutimit me dy kryetarët e Grupeve Parlamentare, Glauk Konjufca të VV-së dhe Avdullah Hoti të LDK-së ka marrë vendim që në orën 12:00 të thërrasë një mbledhje me të drejtuesit e grupimeve në Kuvend.
Konjufca dhe Hoti ripërsëritën qëndrimet se kandidatura e Kadri Veseli për postin e Kryetarit të Kuvendit është e papranueshme, ndërsa nuk e përjashtuan mundësinë që të votojnë një tjetër propozim nga PDK.
Veseli ka thënë se mund të tërhiqet nga kandidatura nëse VV dhe LDK me aleatët e votojnë Ramush Haradinajn për kryeministër./tesheshi.com/
