Burimet diplomatike të Irakut kanë zbuluar për një media arabe se reagimi i Iranit me sulm raketor si hakmarrje për gjeneral Soleimanin, ka qenë i koordinuar me Shtetet e Bashkuara përmes një prej vendeve të Gjirit, dhe se të dy palët kanë lidhur një marrëveshje ushtarake në dy ditët e fundit për të siguruar që kjo përgjigje të mos çojë në viktima të reja.
Ahmed Mulla Talal, një gazetar i shquar irakian, tha: “Aktiviteti diplomatik intensiv ndërkombëtar ka vazhduar për dy ditë për të rënë dakord për një përgjigje iraniane të pranueshme për Shtetet e Bashkuara.
Një zyrtar ushtarak amerikan zbuloi më herët këtë mëngjes për CNN se ushtria amerikane ishte paralajmëruar mjaft herët në lidhje me një sulm raketor të nisur nga Irani në bazat ushtarake që strehonin trupa amerikane.
Burim tha që ushtria amerikane kishte shumë kohë për të zhvendosur trupat dhe pajisjet e saj në ambientet e fortifikuara nën tokë.
Më parë, Presidenti Trump tha se nga sulmi nuk kishte patur asnjë humbje njerëzore, përkundër versionit iranian për 80 viktima nga reketat e saj. /tesheshi.com/
