Fitorja e bujshme e Arabisë Saudite ndaj Argjentinës në Katar tronditi botën e futbollit, ndërkohë që gazeta spanjolle “As” e publikoi lajmin me titullin “A po e promovon Leo Messi Arabinë Saudite?”, duke nxitur kështu një teori konspirative për rezultatin e bujshëm, a thua se nuk ka ndodhur dhe më parë kjo gjë në futboll.
Kujtojmë se Argjentina, madje me Maradonën në fushë, do humbte dhe si kampione bote në ’90-ën, në Botërorin e Italisë, por që më pas do shkonte deri në finale.
Pra, mediat e sipërpërmendur pretendojn se Argjentina e drejtuar nga Messi humbi qëllimisht me sauditët.
“Fitorja tronditëse na bën të pyesim jo vetëm sesi Argjentina humbi nga ekipi i dytë më i lirë në Kupën e Botës (pas Katarit), por se si sauditët i dhanë fund një serie 36 ndeshjesh pa humbje për Argjentinën e Messit, një ekip që është një nga favoritët kryesorë për të fituar Kupën e Botës dhe me të gjitha këto, Messi duket se është promotori i Arabisë Saudite”, thuhet në shkrimin e As.
Më tej shkruhet se argjentinasi i famshëm ka nënshkruar së fundmi një kontratë miliona dollarëshe me qeverinë e Arabisë Saudite dhe theksojnë edhe përpjekjen e fundit të vendit për të pritur Kupën e Botës.
“Në maj, ndoshta futbollisti më i mirë dhe më i famshëm në planet nënshkroi një kontratë për të promovuar Arabinë Saudite. Kontrata flet në mënyrë specifike për investimet shtetërore në turizëm, por nuk mund të mos vërehet se Arabia Saudite dëshiron Kupën e Botës në 2030.”
Spanjollët shkojnë aq larg sa pretendojnë se Messi ka marrë para për të “larë” imazhin e Arabisë Saudite pas vrasjes së gazetarit Jamaal Khashoggi.
“Kontrata e marketingut e Messit në të cilën ai merr një sasi të pabesueshme parash për të promovuar këtë vend, shihet si “larje” e imazhit për të mbuluar shkeljet e të drejtave të njeriut, duke përfshirë vrasjen e gazetarit Jamal Khashoggi, shkeljen e të drejtave të grave, të drejtave LGBT dhe të drejtat e të gjithë atyre që janë kundër njeriut të parë të shtetit, Mohammed bin Salman”, theksohet në tekst.
Gjithashtu, Argjentina, së bashku me Paraguajin, Kilin dhe Uruguain, po përpiqet të presë Kupën e Botës në vitin 2030 dhe As në tekst thekson se sipas kontratës së nënshkruar me Arabinë Saudite, Messi mund të jetë promotori i Botërorit duke qenë mbajtur në monarkinë e Gjirit, dhe jo në atdheun e tij.
Shkrimi me natyrë konspirative vjen një ditë pasi Arabia Saudite bëri historinë me triumfin 2:1 ndaj Argjentinës pas një kthese në vetëm pesë minuta.
Por kjo nuk është një gjë që nuk ndodh në futboll. Kjo lojë është tërheqëse pikërisht nga fakti se 2+2 nuk bëjnë gjithnjë 4, siç përpiqet të mbrojnë teorinë e konspiracionit sportivja spanjolle.
Ndërkohë, dyshime apo aludime të tillë për rezultate befasuese apo jo, ka patur gjithnjë, edhe në Botërorë.
Pyetja në fund: Po Gjermania ia la Japonisë?! /tesheshi.com/
