Ngjan si një konsipracion ndërkomnbëtar ajo që ditën ku në Shqipëri ka një zhvillim të paprecedent, ku presidenti zbret në shesh për të protestuar kundër qeverisë, nga Brukseli jepet sinjali i hapjes së negociatave.
Komisioni europian ka rikonfirmuar sot rekomandimin e tij pozitiv për hapjen e bisedimeve për anëtarësim me Shqipërinë dhe Maqedoninë e Veriut.
“Në dritën e progresit domethënës të arritur dhe përmbushjes së kushteve të përcaktuara njëzëri nga Këshilli, në Qershor 2018, Komisioni rekomandoi në paketën e tij të zgjerimit 2019 që Këshilli të hap negociatat e pranimit me Shqipërinë.
Në përgjithësi, Shqipëria ka rritur përpjekjet e saj dhe ka patur rezultate të mëtejshme të prekshme dhe të qëndrueshme në fushat kryesore të identifikuara në Përfundimet e Këshillit të qershorit 2018. Si rrjedhojë, bazat e rekomandimit të Komisionit për vitin 2019 për të hapur negociatat e pranimit me Shqipërinë mbeten të vlefshme”, thuhet në një raport për Shqipërinë.
Ndërsa në pjesën për Maqedoninë Verore thuhet se “janë marrë masa për forcimin e pavarësisë së gjyqësorit dhe se Maqedonia Veriore ka harmonizuar ligjet e saj me të gjitha rekomandimet evropiane dhe ndërkombëtare”. /tesheshi.com/
