Shpërthimi, i cili shkatërroi pjesë të mëdha të Bejrutit në gusht, ishte një nga shpërthimet më të mëdha jo-bërthamore në histori, thanë ekspertët nga Universiteti i Sheffield në Mbretërinë e Bashkuar.
Një ekip ekspertësh nga Sheffield pretendon se shpërthimi në kryeqytetin libanez është ndër shpërthimet më të mëdha në histori dhe se ishte vetëm 20 herë më i vogël në fuqi sesa shpërthimi i bombës bërthamore në Hiroshima në 1945.
Ky ekip ekspertësh shpreson që ngjarje të tilla do t’i ndihmojnë ata të përgatiten për katastrofat e ardhshme, raporton BBC.
“Kur e dimë rendimentin nga këto lloj ngjarjesh, atëherë ne mund të përpunojmë ngarkesën që rezulton nga ajo. Dhe kjo më tej na tregon se si të ndërtojmë ndërtesa që janë më elastike”, tha Dr. Sam Rigby i Sheffield’s Blast and Impact Engineering Research.
Ajo çfarë i ndodhi më 4 gusht në Bejrut, ishte rezultat i një shpërthimi aksidental të afërsisht 2,750 tonë nitrat amoni të ruajtur në mënyrë të papërshtatshme në portin e kryeqytetit libanez.
Shpërthimi vrau gati 200 njerëz, plagosi më shumë se 6,000 dhe shkatërroi pjesën më të madhe të Bejrutit.
Ekipi i Sheffield erdhi në vlerësimin e tyre duke studiuar 16 video të postuara në mediat sociale. /tesheshi.com/
