Lëvizja Vetëvendosje ja ka bërë të qartë edhe një herë LDK-së se është e hapur të bisedojë me ta për të bashkëqeverisur, por në asnjë mënyrë nuk e vë në tavolinë postin e kryeministrit.
Është ish-shefi i grupit parlamentar të VV-së, Glauk Konjufca që thotë se LDK dhe aleatët e saj po “bëjnë naze” rreth një marrëveshjeje të mundshme qeverisje me ta, por se nuk bëjnë pazare dhe këtë duhet ta ketë të qartë partia e Isa Mustafës
“LDK-ja po bën lëvizje taktike për të ngritur pazarin rreth kryeministrit. Do të ishte më e mira që LDK-ja të kuptoj që ne nuk bëjmë pazare”, ka thënë Konjufca për Tribuna Channel.
Konjufca më tej ka paralajmëruar LDK-në se edhe nëse dakordohen për një koalicion, atëherë në qeveri nuk kanë vend njerëzit të cilët kanë qenë të korruptuar.
“Një ndër ta është edhe Skender Hyseni, ministër në largim i Punëve të Brendshme, i cili i ka bërë dëme të mëdha shtetit tone”, ka deklaruar Konjufca.
Ndërsa ka thënë se me PDK-në në pushtet nuk ka reforma në asnjë sektor të shtetit. /tesheshi.com/
