Kryekuvendari Glauk Konjufca i është bërë krah Albin Kurtit këto kohë të vështira për këtë të fundit në përballjen me ndërkombëtarët.
Edhe njeriu që drejton jetën parlamentare të Kosovës, pjesë e Vetëvendosjes, beson se kryeministri ka të drejtë në raport me Lajçakun, në pretendimin se ky i fundit është bërë palë me Vuçiçin dhe mbron interesat serbe para atyre kosovare.
“Është vërejtur, thënë të drejtën, qysh në fillim që Lajçak qëndrimet të cilat i artikulon, më shumë janë, le të themi, marrje e pozicionit të Serbisë fillimisht, e pastaj përpjekje që përmes mekanizmave të ndryshëm edhe formulimeve që ai i qetë në zgjidhjet që i propozon, të mund të jenë pikënisje e pozicionit të Serbisë, se si të mund të akomodojë në mënyrë sa më të përshtatshme pozicionimin e Serbisë”, argumentoi Konjufca.
Sipas tij, krizën e zgjidh vetëm një formulë: Asosacion së bashku me njohje.
“Vetëm një çelës është i mundshëm për të ecur dialogu përpara” Asociacioni bashkë me njohjen! Përndryshe nuk ka avancim të dialogut, është problem”, tha ai për mediat në Prishtinë, duke shtuar se është në përgjegjësinë e Kosovës që të gjejë formën që Asociacioni të jetë në përputhje me Kushtetutën dhe të mos e cenojë rendin juridik. /tesheshi.com/
