Kryeparlamentari Konjufca i kujtoi Tiranës zyrtare, duke iu drejtuar opinionit në Shqipëri, se Serbia vijon të jetë armiqësore ne Kosovën. Mesazhi, qartazi ishte për kryeministrin Rama, ku qeverisja ne Kosovë ndahet te projekti i Open Balkan.
“Në jemi dy shtete, por jemi popull me një interes të përbashkët.
Serbia e Vuçiçit nuk ka ndryshuar në drejtim politik, por vetëm mjetet prej kohës së Millosheviçit.
Të gjithë shqiptarët duhet ta dinë që Serbia është shumë armiqësore ndaj Kosovës. Mohon pavarësisë dhe së fundmi e patë sesi presidenti nuk heziton fare edhe për ta sfiduar kornizën e sigurisë në Ballkan përmes kërcënimit të Kosovës dhe dërgimit të trupave të armatosur brenda territorit të Kosovës.
Ne duam që me Shqipërinë të jemi brenda një kornize sa i përket gjykimit për Serbinë. Kosova nuk ka rrugë tjetër veçse të mbrojë interesat. Ne jemi për paqe dhe dialog, por nuk do të lëshojmë pe”, tha Konjufca gjatë një konference shtypi në Tiranë me homologen Lindita Nikolla.
Mes tyre u nënshkrua dhe një memorandum bashkëpunimi midis dy parlamenteve. /tesheshi.com/
