Presidenti Bujar Nishani priti në një takim të veçantë kongresmenin amerikan Eliot Engel, i cili ndodhet në një vizitë pune në Shqipëri, i shoqëruar edhe nga një prej personaliteteve të diasporës shqiptare në SHBA, Harry Bajraktari. Pas shkëmbimit të falënderimeve dhe mirënjohjes për mbështetjen e Shteteve të Bashkuara ndaj Shqipërisë, Nishani tha se Shqipëria dhe shqiptarët i konsiderojnë Shtetet e Bashkuara si mikun dhe aleatin e saj strategjik më të madh.
Nishani vlerësoi edhe diasporën shqiptare në SHBA dhe kontributin, që sipas tij, ka dhënë për forcimin e marrëdhënieve me Shtetet e Bashkuara.
Pas Nishanit, Engel takoi edhe kreun e opozitës, Lulzim Basha si dhe ish0kryeministrin Sali Berisha. Kjo vizitë vjen në një moment delikat për politikën shqiptare që po përpiqet të miratojë dhe zbatojë një reformim të thellë të Drejtësisë. /tesheshi.com/
