Kongresmeni republikan, Dana Rohrabacher, i zgjedhur në Kaliforni, i ka dërguar një letër presidentit të Serbisë, Tomislav Nikoliç, ku sygjeron këmbim të territoreve ndërmjet jugut të Serbisë për veriun e Kosovës si zgjidhje për qetësim të tensioneve në këtë pjesë të Ballkanit.
“Në vend të shembujve negativë sic janë dërgimi i trenit me simbole provokative në Kosovë, ndoshta do të ishte në interes të dyanshëm që të rishikohet mundësia e këmbimit të territoreve që do të rezultojë si zgjidhje edhe me numër më të madh të Serbëve në Serbi dhe numër më të madh të kosovarëve në Kosovë”, ka shkruar Rohrabacher.
Kongresmeni republikan, në letrën dërguar Nikoliç thekson se ky “opsion është i mundshëm” dhe se nuk duhet “refuzuar”.
Por sot, kësaj letre i është përgjigjur kryeministri serb Aleksandër Vuçiç.
Ai tha para gazetarëve se “përgjigja ime është Kushtetuta”. Vuçiç deklaroi më tej se “Rohrabacher është afër lobit shqiptar. Ështe vetëm një përpjekje për të kërkuar zgjidhje të tjera, por se Serbia ka Kushtetutën e vet me kufijtë e palëvizshëm”
Kryeministri serb tha se “arritja e një marrëvëshjeje për planifikim hapësinor në urën mbi lumin Ibër në Mitrovicë ka ruajtur paqen dhe se serbët morën gjithçka dëshironin, por ai nuk e kupton pse nuk po zbatohet pakti i arritur më 8 dhjetor në Bruksel”. /tesheshi.com/
