Dy kongresmenë amerikanë kanë nominuar veprimtaren civile serbe, Natasha Kandiç si candidate për të fituar çmimin Nobel për Paqe.
Siç bën të ditur B92, propozimi ka ardhur nga Komisioni i Helsinkit i Kongresit amerikan, i përbërë nga senatori Roger Wicker dhe kongresmeni Eliot Engel, që janë edhe anëtar të Komisionit me Jashtë.
Kandiç, e cila ka themeluar Qendrën për Ligj të të drejtë Humanitare në Beograd në vitin 1992(Fond za Humanitarno Pravo), ka qenë një nga kritizeret më të mëdhaja të politikës hegjemoniste dhe krimeve të Beogradit ndaj muslimanëve boshnjakë dhe shqiptarëve në ish-Jugosllavi.
Në tekstin e dy kongresmenëve theksohet se dëshmitë e mbledhur nga qendra e Natasha Kandiçit kanë qenë thelbësore për nisjen e hetimeve nga Gjykata për Krime Lufte në ish-Jugosllavi.
“Natasha Kandiç mbetet inspirim për brezat e rinj jo vetëm në Serbi, por mbarë Ballkanin në lidhje me luftën e saj edhe kundër rrymës për të përhapur të vërtetën dhe luftuar për paqe dhe të drejta njerëzore”, theksohet në dokument. /tesheshi.com/
