Kongresistja demokratike Alexandria Ocasio-Cortez zbuloi në Instagram se ajo ishte një viktimë e agresionit seksual dhe se kishte frikë për jetën e saj në 6 janar kur mbështetësit e ish-Presidentit Donald Trump sulmuan në Capitol-in.
Ikona e së majtës progresive të Amerikës ka akuzuar konservatorët që kundërshtojnë gjyqin ndaj Trump-it, që sipas saj inkurajojnë në këtë mënyrë vetëm dhunë që përfundoi me vdekjen e shumë njerëzve, si dhe ka krahasuar sjelljen e tyre me ngacmuesit e tjerë.
“Ata po përpiqen të na tregojnë se kemi të bëjmë me gjëra të tjera në vend që t’u kërkojmë atyre të paguajnë çmimin e asaj që bënë, të zbulojnë të vërtetën dhe të përballen me dëmin përfundimtar, që për humbjet e jetëve njerëzore e deri te traumat,” tha Ocasio-Cortez, duke iu referuar asaj çfarë ajo pretendon se ka përjetuar përsonalisht.
“I mbijetova agresionit seksual dhe nuk fola shumë për këtë”, theksoi ajo.
Ajo krahasoi taktikat e ngacmuesve nga Capitoli-it me taktikat e agresorëve të tjerë.
“E përjetoj emocionalisht sepse ata njerëz që tani na thonë të harrojmë, se nuk është asgjë e tmerrshme, të harrojmë atë që ndodhi apo edhe të na kërkojnë të kërkojmë falje, këta njerëz përdorin të njëjtën taktikë si abuzuesit,” tha ajo.
Ajo tregoi për frikën që mbijetoi gjatë një sulmi në Capitol nga i cili po fshihej.
“Mendova se do të vdisja,” tha Ocasio-Cortez, pa dhënë detaje të mëtejshme mbi tentativën e pretenduar për përdhunim. /tesheshi.com/
