Ashtu siç partitë shqiptare në Maqedoni u bashkuan dhe krijuan Platformën e tyre, të njëjtën gjë duhet të bëjnë dhe dy partitë kryesore maqedonase, VMRO dhe LSDM. Kjo është thirrja që vjen nga një grupim nacionalist maqedonas, Kongresi Botëror Maqedonas, i cili iu bën apel dy partive kryesore që të arrijnë një marrëveshje pajtimi dhe bashkimi gjithmaqedonas për t’ju kundërvënë Platformës Shqiptare.
Sipas Kongresit në fjalë, Platforma Shqiptare përbën një ultimatum që ka për synim ridefinimin e rendit kushtetues dhe shtetit, dhe në këtë situatë, VMRO e LSDM kanë përgjegjësi historike para kombit, shtetit dhe historisë.
Kongresi maqedonas shprehet se “shqiptarët e kanë Shqipërinë, e fituan edh Kosovën, mos duhet që ta marrin edhe Maqedoninë?”.
Reagimi vjen ndërsa faktori shqiptar në Maqedoni e ka zënë ngushtë atë maqedonas duke mos ia mundësuar formimin e qeverisë së re, si shkak një Platforme të përbashkët që kushtëzon me anë të disa kërkesave hyrjen në qeveri. /tesheshi.com/
