Qeveria e Maqedonisë ka hedhur poshtë spekulimet e disa mediumeve të cilat thanë se mbrëmë është marrë vendim për anulimin e ndërtimit të kryqit. Sipas mediave, protestuesit e BDI-së i kanë çmontuar kampet ku protestonin. Zëdhënësi i qeverisë, Aleksandar Gjorgjiev, ka deklaruar se nuk është marrë asnjë lloj vendimi për kryqin dhe të gjitha këto informacione janë të pasakta.
“Nuk është marrë asnjë vendim i tillë mbrëmë, bile s’ka pasur as seancë. Plotësisht e demantoj spekulimin e tillë”, ka thënë Gjorgjiev.
Nga ana tjetër Kongresi Botëror Maqedonas sot në ora 13:00 ka paralajmëruar protestë përpara Ministrisë së Punëve të Brendshme. Ata do të kërkojnë me çdo kusht që të ndërtohet kryqi, ndërsa personat që kanë dëmtuar gurthemelet e kryqit të nxirren para drejtësisë.
“KBM nga protesta do të dorëzojë kërkesë deri tek MPB që të sigurojë kushte për ndërtimin e Kryqit në Butel, të kthejë lokacionin në pronësi të realizuesit të punimeve ndërtimore dhe të ndërmarrë masa kundër personave që kanë dëmtuar pronën ndërtimore”,ka shkruan Todor Petrov në Facebook.
Dje në mesnatë nënkryetari i Bashkimit Demokratik për Integrim, Izet Mexhiti në një konferencë për media ka njoftuar se është arritur një marrëveshje ndërinstitucionale e ndihmuar edhe nga ndërmjetësues ndërkombëtarë. /tesheshi.com/
