Grupi i vendeve G7 nuk ka arritur marrëveshje për sanksione të reja kërcënuese kundër Rusisë dhe Sirisë. Ministrant e Jashtëm biseduan për të kërkuar pozicionim të përbashkët për konfliktin sirian, përpara se sekretari amerikan i Shtetit të udhëtojë drejt Rusisë në përpjekje për të bindur Moskën të braktisë aleatin sirian.
Por, duket se propozimi për të vendosur sanksione të reja ndaj liderëve të lartë ushtarakë rusë nuk u pranuan. Sanksionet ndaj Rusisë dhe Sirisë nuk do të diskutohen më derisa të përfundojë hetimi për sulmin me armë kimike të javës së kaluar në Idlib.
Ministri i Jashtëm italian, Angelino Alfano tha se G7 e ka zgjeruar debatin gjatë takimit në Itali, mëngjesin e së martës, edhe me aleatë të rëndësishëm si Arabia Saudite, Jordania, Katari dhe Turqia. Ai i cilësoi bisedimet një “sukses politik”. /tesheshi.com/
