Ushtritë majmunore, të cilat numërojnë mijëra sosh që lëvizin lirshëm në Indi, po u japin autoriteteve një dhimbje koke gjithnjë e më të madhe, veçanërisht në Agra, ku ndodhet Taj Mahal-i i famshëm.
Kështu, të hënën në mbrëmje një luftë e ashpër midis dy grupeve të majmunëve në zemër të qytetit indian të Taj mori dy jetë.
Policia shpjegoi se riparimi i shtëpisë së vjetër në Satsang Gaul ishte në proces. Pronari i shtëpisë dhe punëtori po qëndronin afër murit që duhej shembur. Pikërisht në atë kohë, ushtritë e majmunëve, që luftonin për territorin, endeshin dhe hidheshin në të gjithë zonën, duke shembur murin e dëmtuar.
Të dy burrat mbetën të dërrmuar nën rrënoja dhe, për fat të keq, nuk mund të shpëtoheshin. Ata pësuan dëmtime të rënda në kokë.
Të ndjerët ishin në katin e dytë të një shtëpie të rrënuar kur muri i katit të tretë ra mbi ta për shkak të më shumë se 35 majmunëve që ishin në një luftë të furishme, shkruan Socialnews.
Qytetarët e Agra-s i bënë thirrje administratës së rrethit të ndërmarrë hapa efektivë për të shtypur telashet që shkaktojnë majmunët.
Kryetarit të bashkisë Navin Jain, iu kërkua të lëvizë majmunët nga qyteti në zonat pyjore, për shkak të një serie vdekjesh.
Vendasit po kërkojnë veprim drastik kundër majmunëve të tërbuar, prej të cilëve madje edhe turistët janë bërë viktima.
Vitin e kaluar, bota u trondit nga një rast kur një majmun rrëmbeu një porsalindur nga prehri i nënës së tij dhe e vrau atë.
Vendasit bënë shumë premtime në atë kohë, por asgjë nuk ndodhi.
“Mijëra majmunë të dhunshëm jetojnë në këtë zonë përgjatë lumit Yamuna, pasi ithtarët e tyre rregullisht i ushqejnë me banane dhe bukë,” tha Ranjan Sharma, një eko-aktivist.
Dy herë kishte përpjekje për të lëvizur disa majmunë në zonat pyjore, por eko-aktivistët ndaluan procesin. /tesheshi.com/
