Zyrtarët malajzianë konfirmuan se pjesa e avionit e gjetur në ishullin Reunion në Oqeanin Indian, i përket avionit të zhdukur malajzian, Boeing 777.
Misteri i zhdukjes së avionit, pasi asnjë copë e tij nuk u gjet në një perimetër shumë të gjerë ku u fokusuan kërkimet, duket se po zbardhet pak e nga pak, megjithëse gjetja e mbetjeve shumë larg nga perimetri ku mendohej të gjendeshin, nxjerr pikëpyetje e mistere të tjera.
Përputhshmëria e mbetjeve të gjetura rastësisht në ishullin e Pqëesorit me atë të fluturimit malajzian u konfirmua nga një hetim i hollësishëm i autoriteteve franceze në bashkëpunim me përfaqësues të kompanisë prodhuese Boing, bordin e Sigurisë Kombëtare të Transportit amerikan dhe skuadrës malajziane.
Në Reunion u gjet të dielën një tjetër mbetje nga avioni që besohet të jetë gjithashtu e Boing 777.
Fluturimi MH370 u deklarua i zhdukur në itinerarin Kuala Lumpur – Pekin më 8 mars të këtij viti, me 239 pasagjerë në bord, shumica e të cilëve shtetas kinezë. /tesheshi.com/
