Klubi anglez i futbollit Leicester City ka njoftuar zyrtarisht se pronari i klubit, Vichai Srivaddhanaprabha është një nga pesë viktimat nga rrëzimi e helikopterit të tij privat pranë stadiumit “King Power”, pak pas përballjes së ekipit të tij me West Ham.
“Bota ka humbur një njeri të madh, një njeri të mëshirshëm, një bujar, një njeri, jeta e të cilit udhëhiqej nga dashuria dedikuar familjes dhe njerëzve”, thuhet në deklaratë.
“Leicester City ishte një familje nën udhëheqjen e tij dhe ne ndihemi të brengosur i një familje, por ne do të vazhdojmë me vizionin që ai na la trashëgimi”, theksohej gjithashtu në deklaratë.
Vichai, një milioner tajlandez, e bleu Leicester City tetë vjet më parë, për të arritur suksesin më të madh në 2016-ën, me daljen kampion në Premier League. /tesheshi.com/
