Partia Demokratike e Kosovës për herë të parë nuk do të garojë në Skenderaj, në zgjedhjet lokale që do të mbahen me 22 tetor të këtij viti. Kjo parti ka vendosur të mbështesë Bekim Jasharin, djalin e Hamzë Jasharit, i cili do të garojë si kandidat i pavarur.
Këtë e ka konfirmuar Sami Lushtaku, kryetari aktual i kësaj komune.
“Kryesia e PDK-së ka vendosur të mos shpallë asnjë kandidat pasi i pavarur do të jetë Bekim Jashari”, ka thënë Lushtaku për lajmi.net.
Kandidimin e Bekim Jasharit e ka konfirmuar mbrëmë përmes një postimi në Facebook edhe dhëndri i tij Valon Loshaj.
“Pas kërkesës së qytetarëve të Drenicës për përfaqësim nga djali i Heroit Kombëtarë Hamëz Jashari, ju konfirmoj që Bekim Jashari tha po.
Po për Kryetar të Skenderajit,
Po për drejtësi në Skenderaj,
Po për zhvillim ekonomik në Skenderaj,
Po për mirëqenie të qytetarëve,
Po për zhvillimin e shëndetësisë,
Po për zhvillimin e arsimit,
Po për prosperitet të Skenderajit.
Ditë të mira po e presin Komunën e Skenderajit, nën udhëheqjen e Bekim Hamëz Jasharit, i cili ka kapacitet intelektual, njerëzor dhe kombëtar, andaj urime Drenicë, urime Skenderaj, faleminderit Bekim”, ka shkruar Loshaj në Facebook. /tesheshi.com/
