Deri më tani, përflitej se veç një mbështeteje verbale, njeriu që drejton PD do kursehej që t’i dhuronte Metës dhe potencialin njerëzor, duke qenë se lëvizja e njeriut në Presidencë, qartazi politike e aspak presidenciale, është dhe një mënyrë për t’i rrëmbyer Bashës udhëheqjen e opozitës nesër në kushtet e e shkarkimit. Por ky i fundit, sipas një të dhëne të publikuar së fundi në media, i është “dorëzuar” Metës, duke urdhëruar mbëshetjen e këtij të fundit me strukturat e PD-së.
““Si qytetarë që duam që vendi të bëjë hapa para drejt konsolidimit të demokracisë, duhet t’i përgjigjemi çdo thirrje në mbrojtje të Kushtetutës dhe funksionimin demokratik të institucioneve të pavarura. Prandaj unë e mbështes tubimin e thirrur nga Presidenti për Kushtetutën!”.
Dy porosi:
- Ky mesazh të shpërndahet tek të gjitha strukturat e partisë.
- Mbi këtë çështje do të keni gjatë ditës bisedë telefonike me Sekretarin e Përgjithshëm, për masat organizative.
Ju përshëndes!”, është kjo letra e Bashës dërguar vartësve në parti.
Njëherësh, kjo konfirmon aleancën President-Opozitë, deri dje e kamufluar, por me shenja të qarta të një bashkëpunimi dhe në rastin e djegies së mandateve dhe bojkotit të zgjedhjeve. /tesheshi.com/
