Autoritetet shëndetësore shqiptare konfirmuan sërish paprekshmërinë e Shqipërisë nga koronavorusi. Edhe pse ka hyrë prej ditësh në rajon, me disa raste të shfaqura – ca në Greqi e Maqedoni, por më shumë në Itali – flama e ardhurnga Kina po “qëndron larg” Shqipërisë, gjithashtu dhe Kosovës.
Eugena Tomini, shefe e Epidemiologjisë në Institutin e Shëndetit Publik, tha në një dalje për median se “nga periudha e shfaqjes seë epidemisë në Kinë e deri mbrëmjen e djeshme janë testuar në total 29 raste të dyshuar, të cilët kanë rezultuar negative për COVID-19”.
“Rastet kanë pasur shenja të infeksionit të sipërm respirator dhe histori udhëtimi me vendet ku ka shpërthime komunitare. Po kryhet monitorimi për të gjithë ata që hyjnë në Shqipëri. Ata që kanë ardhur nga rajonet e prekura të vetëkarantnohen për 14 ditë. Qytetarët që kanë udhëtuar në vendet e preukura të telefojnë në numrin 127, për të treguar nëse kanë shenja të koronavirusit apo nëse kanë pasur kontakte me persona të prekur”, shtoi znj.Tomini.
Edhe Instituti Kombëtar i Shëndetësisë Publike të Kosovës, u tha në një deklaratë për shtyp se të gjitha rastet e dyshuara kanë rezultuar negative pas analizave.
“Nga data 08.02 deri më 29.02.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 33 mostra të dyshimta në virusin SARS-CoV-2 dhe të gjitha kanë rezultuar negative.
Instituti Kombëtar i Shëndetësisë Publike të Kosovës (IKSHPK) gjatë ditës së sotme me 29 shkurt 2020, ka marrë informatë nga Klinika Infektive e QKUK për 3 raste të dyshimta në COVID-19.
Pacientët u kontrolluan nga ekipi i infektologëve në Klinikën Infektive në QK UK dhe iu morën mostrat për testim laboratorik në virusin SARS-CoV-2.
Me datë 29.02.2020, në Laboratorin e Mikrobiologjisë Molekulare në IKSHPK janë testuar 3 mostra të pacientëve në virusin SARS CoV-2 dhe kanë rezultuar negative.
Nga data 01.02.2020 deri me 29.02.2020 nga aeroporti ndërkombëtar “Adem Jashari” si dhe pikat tokësore kufitare janë depistuar gjithsej 924 udhëtarë. Nga Aeroporti “Adem Jashari” 172 udhëtarë, Vërmicë 351, Merdare 346, Hani i Elezit 22, Dheu i bardhë 26 dhe Kullë 7 udhëtarë”, thuhet në njoftim. /tesheshi.com/
