Pas lajmit të urdhër-arrestit për Vladimir Putinin, lëshuar nga Gjykata Ndërkombëtare Kriminale, disa mund të pyesin se sa mbështetës jashtë kufijve të Rusisë kanë mbetur tani në Moskë, e cila akuzohet hapur për krime lufte.
Edhe pse askush nuk mund të ketë një pasqyrë të qartë për numrin e “miqve” që ka ende Putin në nivel ndërkombëtar, e sigurt është se ka një grup njerëzish që… “pinë ujë” në emër të tij.
Këta janë anëtarët e Lëvizjes Ndërkombëtare të Rusofilëve, të cilët së fundmi u takuan në Moskë për një konferencë të organizuar nga aktivistët konservatorë në një sallë luksoze të Muzeut Shtetëror Pushkin në kryeqytetin rus.
Konferenca, ku mori pjesë edhe Sergei Lavrov, duke i dhënë prestigj dhe “vulën” e miratimit të Moskës për ngjarjen, mblodhi jo pak… prezenca të veçanta. Sipas Guardian, në këtë ngjarje kanë dhënë një “frekuentim” të fortë figura të skenës politike dhe adhurues të teorive konspirative.
Ndër të ftuarit më të shquar të konferencës ishin aktori amerikan Steven Seagal, një nga nipërit e Charles de Gaulle dhe një princeshë dhe akademike italiane e njohur për përkthimet e saj të veprave të J. RR Tolkien në gjuhën e saj.
“Unë jam këtu për të promovuar paqen dhe miqësinë dhe besoj se ky konflikt është shkaktuar nga interesat anglo-saksone… Unë mendoj se ata po e vënë botën në rrezik të madh dhe unë jam këtu për të luftuar kundër këtij rreziku,” tha Pierre de Gaulle, nipi i gjeneralit dhe politikanit ikonë të Francës, i cili mori pjesë në konferencë si folës.
Pierre De Gaule, une fois de plus lucide sur la situation internationale. S’il se présente à une élection en France, je vote pour lui. Il faudrait que plus de monde puisse l’entendre 👍👏 pic.twitter.com/LT1C0sqhvK
— 🇫🇷Merigi (@arnoldschruof) March 15, 2023
Nuk është hera e parë që Pierre de Gaulle bën bujë me deklaratat e tij. Muajin e kaluar, në një intervistë me Le Parisien, ai tha se për fat të keq Perëndimi “e la Zelensky-n, oligarkët dhe grupet ushtarake neo-naziste” të kapeshin në mes të luftës. Yves de Gaulle, vëllai i tij më i madh, ka deklaruar më parë se pikëpamjet e Pierre janë vetëm të tijat dhe nuk lidhen me askënd tjetër, “as mua, as me familjen tonë dhe aq më pak me gjeneralin”.
Pierre, nga ana e tij, këmbëngul se gjyshi i tij kishte një njohuri të thellë të historisë së Rusisë, udhëheqësve dhe popullit të saj dhe e dinte mirë se sa e nevojshme ishte që Evropa dhe Franca ta kishin aleat këtë vend.
“Gjithnjë e më shumë njerëz po kuptojnë se ky konflikt u krijua nga disa për të shpërbërë bllokun e Evropës, për të mirën e amerikanëve”, tha ai për Guardian.
I pari që doli në skenë në konferencë ishte Nikolai Malinov, një ish-deputet i parlamentit bullgar i cili është vënë në shënjestër të sanksioneve të SHBA-së për shkak të lidhjeve të tij me Moskën. Në fjalimin e tij ai argumentoi se ka ardhur koha që “forcat e dritës të mposhtin forcat e errësirës”.
Ndërsa i veshur me të zeza, Steven Seagal deklaroi gjatë një konference për shtyp të mbajtur si pjesë e konferencës se ai është “100% rusofil dhe 1,000,000% rus”.
Steven Seagal: I am one million per cent Russian pic.twitter.com/jKVzAbe8Rq
— Tara Cleary (@TaraCleary13) March 18, 2023
Ministri i Jashtëm rus, nga skena e konferencës, përsëriti linjën e Moskës për forcat naziste që përhapin tentakulat e tyre në gjithnjë e më shumë vende evropiane. “Ne shohim që historia shkatërrohet para syve tanë, monumente të shenjta po shkatërrohen”, tha Lavrov, ndoshta duke iu referuar monumenteve sovjetike që po shkatërrohen në shumë vende, me nxitjen e qytetarëve të tyre.
NATO Spreads Russophobia Far & Wide – Lavrov
Russian FM Sergey Lavrov has been speaking at the opening session of the International Movement of Russophiles in Moscow:
📍West preoccupied by maintaining world dominance, forcing others to act on its agenda pic.twitter.com/1QOEAiKTM4
— ☦️Jacob🇷🇺Charite☦️ Иагов (@jaccocharite) March 14, 2023
Folësit në konferencë përfshinin princeshën Vitoria Aliata di Villafranca, një grua 70-vjeçare me flokë të kuq me ngjyrë të ndezur. Në vendin e saj, ajo njihet më së shumti si përkthyesja e parë e Tolkien-it në italisht, një arritje shumë e rëndësishme.
Në fjalën e saj, princesha e çuditshme italiane tha se “rusofobia” u krijua në kontekstin e teknikave të reja të kolonizimit dhe e lidhi atë me zbarkimin e forcave aleate në Siçili gjatë Luftës së Dytë Botërore, të cilën ajo e quajti një “pretekst” për zgjerimin e sferës së ndikimi i SHBA.
E pyetur se si përfundoi në Moskë si e ftuar në një konferencë rusofile, ajo iu referua lidhjeve të saj me gjakblutë e Rusisë, të cilët “i njeh shumë mirë”.
Ajo shtoi gjithashtu se ishte në Rusi për të treguar se “ka njerëz të tjerë në botë që ndajnë të njëjtin botëkuptim” dhe se “kjo e bën më të lehtë për një grua fshatare në Siçili që sheh me dëshpërim djalin e saj që dëshiron të martohet me një lope”, një deklaratë e çuditshme që secili është i lirë ta interpretojë si të dojë. /tesheshi.com/
