Ka nisur sot në Paris konferenca e tretë për Ballkanin Perëndimor pas takimit të Berlinit dhe Vjenës. Liderë politikë nga Shqipëria, Kosova, Serbia, Maqedonia, Bosnje Hercegovina dhe Mali i Zi do të takohen me krerët e BE, Gjermanisë, Francës, Austrisë dhe vendeve të tjera.
Komisioneri Johanes Hahn ka përshëndetur çeljen e punimeve të kësaj konference.
Ai ka thënë se dalja e ndonjë vendi nuk do të thotë ndalesë e integrimit, ndërsa ka bërë me dije se ndërlidhja e rajonit është me rëndësi për integrimin
Qëllimi i samitit që vjen vetëm pak ditë pas referendumit të Britanisë për dalje nga BE është afrimi i vendeve të Ballkanit me unionin tashmë 27 anëtarësh.
Në këtë samit Shqipëria përfaqësohet nga ministrja e Ekonomisë, Milva Ikonomi. Gjatë punimeve të samitit do të bëhet vlerësimi i progresit të arritur projektet e deritanishme si dhe priten të ndërmerren nisma për projekte të reja në mbështetje të vendeve Ballkanike. Ndër temat e samitit do të jenë edhe avancimi i bashkëpunimit mes shteteve në Rajon, fuqizimi i ekonomisë dhe bashkëpunimi ndërmjet të rinjve. /tesheshi.com/
