Ambasadori Soreca konfirmoi pjesëmarrjen e gati 100 vendeve në Konferencën e Donatorëve të organizuar nga BE për Shqipërinë, në kuadër të një ndihme financiare për pasojat e tërmetit të 26 nëntorit.
“Mund të them që janë rreth 100 shtete të pranishme në këtë konferencë, dhe mund të them që Shqipëria vërtet është trajtuar sikur të jete shtet i Bashkimit Europian për ndihmat që i janë dhënë për tërmetin”, tha Soreca.
Ndërkohë, si ish-prokuror anti-Mafia, ai vlerësoi aksionin e nisur “Anti-KÇK”, i cili po vepron këto ditë në terren.
“Për sa i përket operacionit Forcat e Ligjit, besojmë se logoja ‘Ndiq Paranë’ është mënyra e duhur për të luftuar krimin e organizuar dhe tregon vullnetin politik për të trajtuar këtë problem. Mënyra si do të impelemnetohet ky ligj është shumë e rëndësishme dhe ne po e ndjekim nga afër”, tha Soreca. /tesheshi.com/
