Konferenca ndërkombëtare që nis në Paris do të përpiqet të ristartojë bisedimet e paqes mes Izraelit dhe palestinezëve, ku delegatë nga 70 vende të botës pritet të ripohojnë mbështjen e tyre për zgjidhjen përmes krijimit të dy shteteve për konfliktin që zgjat tashmë, me dekada.
Palestinezët e kanë mirëpritur takimin por Izraeli, që nuk do të marrë pjesë, thotë se konferenca është organizuar si mjet kundër tij.
Raundi i fundit i bisedimeve të drejtpërdrejta të paqes dështuan midis një situate armiqësore në prill 2014. Izraeli dhe palestinezët janë ftuar të dëgjojnë përfundimet e takimit të Parisit, por jo të marrin pjesë në këtë takim të madh ndërkombëtar.
Konferenca vjen në një kohë tensionesh mes Izraelit dhe komunitetit ndërkombëtar pasi OKB miratoi një rezolutë muajin e kaluar ku denonconte ngritjen e vendbanimeve nga Izraeli në territoret e pushtuara arabe. /tesheshi.com/
