PD e pranishme në mbledhjen e parë të Konferencës së Kryetarëve për këtë vit, kërkoi dorëheqjen e kryetarit të Kuvendit, Gramoz Ruçi, pasi sipas demokratëve, ai ka shkelur Kushtetutën duke lejuar zgjedhjen e kryeprokurores së përkohshme, Arta Marku.
Kryetari i grupit parlamentar demokrat Edmond Spaho riktheu në vëmendje seancën e fundit plenare të vitit 2017, ku u zgjodh Arta Marku me 69 vota dhe pa kaluar procesin e Vettingut.
“Ajo që paralajmëruam, po vërtetohet me fakte konkrete, me ndryshimet e shpejta në prokurori dhe zëvendësimin me njerëz të Edi Ramës. U vërtetua me kthimin e pasaportës së Saimit Tahirit, lirimin e Orest Sotës, lirimin e një eksponeti tjetër të Xibrakës. Kur institucionet janë deligjitimuar, ne për të kthyer Kuvendin në normalitet duke pasur parasysh dhe rolin e kryetarit në seancën e 18 dhjetorit i kërkuam të japë dorëheqjen. Mënyrat si ka vepruar me detyrat që ka kryetari i Kuvendit janë diametralisht të kundërta. Por ndeshëm me një qëndrim kokëfortë dhe indiferent të mazhorancës që u përpoq ta kthejë këtë Konferencë Kryetarësh në një konferencë normale të miratimit të programit dhe kalendarit të Kuvendit”, tha Spaho. /tesheshi.com/
