Në konferencën e fundvitit, Kryeministri i Kosovës, Isa Mustafa deklaroi para medieve se gjatë këtij viti qeveria e tij ka rritur të bëjë reforma të thella fiskale, ndërsa akuzoi opozitën se e ka penguar duke u shprehur se kauza e tyre nuk qëndron.
Mustafa nuk la pa përmendur se brenda këtij viti kjo qeveri arriti të nënshkruajë kontratën më të madhe pas luftës në fushën e energjisë dhe të rrisë mirëqenien sociale.
Sipas kreut të qeverisë së Kosovës, ndërsa qeveria ka punuar për zhvillimin e shtetit, opozita ka penguar shtetin duke hedhur gaz lotsjellës, duke shkatërruar prona publike dhe private dhe duke kërcënuar edhe fizikisht anëtarët e qeverisë.
“Kauza e opozitës është vërtetuar tanimë se nuk qëndron, pasi Gjykata Kushtetuese ka konstatuar se marrëveshja e Asociacionit është në rregull, ndërsa demarkacioni me Malin e Zi është vërtetuar edhe nga Departamenti Amerikan i Shtetit se është po ashtu në rregull”,- u shpreh Mustafa.
Ndër të tjera ai deklaroi se qeveria e tij do të vazhdojë edhe gjatë vitit 2016 me zhvillim ekonomik të vendit duke premtuar rritje prej mbi 4%./tesheshi.com/
