Aktivistë të Partisë Komuniste greke kanë bllokuar forcën ushtarake shqiptare që po udhëtonte nën flamurin e NATO-s për të marrë pjesë në stërvitjen e aleancës “Noble Jump”.
Kjo u njoftua nga radioja zyrtare e kësaj partie, 902 FM, e cila saktësoi se dy autobusa dhe 20 mjete shoqëruese u bllokuan në stacionin e taksës rrugore në Polimilo të Kozanit, në Greqinë veriore, afro 130 km nga Kapshtica.
Të kuqtë nuk lejojnë që autokolonën ushtarake të vazhdojë rrugën drejt Rumanisë, aty ku është dhe destinacioni përfundimtar, duke kërkuar kthimin mbrapsht për në Shqipëri.
“Vrasës të NATO-s shkoni në shtëpi”, “As tokë, as ujë vrasësve të popujve”, janë disa nga parullat që mbajnë aktivistët komunistë. Në vendngjarje janë dislokuar forca të shumta policore, por pa mundur të ndërhyjnë për të liruar rrugën. /tesheshi.com/
