Duke bërë me dije se për momentin, në Shqipëri nuk ka asnjë pacient në respirator, kryeministri Rama paralajmëroi 11 majin si ditën kur “rinis jeta” në Shqipëri, ndonëse jo tërësisht por në parametrat themelore, siç është dhe liria e lëvizjes.
“Në 11 maj do të vendosim për hapjen më tutje korridorin e lëvizjes tokësore apo ajrore për të hyrë në vendin tonë. Javën e ardhshme do të shikojmë për berberët dhe në 11 maj do të kemi një zgjerim më të madh, do të kemi një zgjerim tërësor duke parë dinamikën”, tha Rama në një komunikim video me publikun.
Ndërkohë, ai garantoi se nuk do ketë ulje rrogash apo pensionesh, siç është përfolur këto ditë, duke aluduar në një propozim të ish-ministrit Beqaj.
“Nuk ka ulje pensionesh dhe ulje rrogash, se dikush ka një ide dhe mund ti thotë në një vend ku të gjithë mund të shprehin idetë e tyre. Të gjithë mund të thonë ide të caktuara, për sa i përket vendimi zyrtar të qeverisë nuk ka pasur dhe nuk do të ketë prekje të pensioneve apo të pagave. Përkundrazi nëse do të preken do të preken vetëm për t’u rritur dhe asnjëherë për t’u ulur për asnjë arsye në botë”, tha Rama. /tesheshi.com/
Komunikimi i plotë:
https://www.facebook.com/edirama.al/videos/1776439749159732/?t=1
