Kryeministri Rama ia ka kushtura Komunikimin Javor opozitës dhe vendimit të saj më të fundit për të bojktuar zgjedhjet e pjesshme në Kavajë.
“Presidenti dekretoi zgjedhjet në Kavajë ku transformimi i Rilindjes Urbane duhet të vijojë. PD ka deklaruar se nuk do të hyjë në zgjedhje. Uroj që PD të rimendohet”, tha Rama, ku shtoi më tej se “kriza e thellë e PD as nuk është e as nuk do të bëhet kriza e vendit. Asnjë politikan nuk mund të mbajë peng vendin apo popullin dhe as nuk mund ta destabilizojë vendin për hir të së humbjes së drejtimit të opozitës”.
Për Ramën, vendi po vijon të ecë në rrugën e duhur.
“Sot vendi padyshim që po ecën në rrugën e duhur. Sot asnjë qytetar nuk e vë në dyshim se duhet të paguajë taksat, se duhet të paguajë energjinë. Reformat kanë sjellë më shumë investime të huaja çka përkthehet në më shuëm investime. Prandaj vetingu është një garanci për një drejtësi të pavarur dhë në shërbim të qytetarëve dhe te korrupsionit”.
Gjithashtu, shefi i ekzekutivit shqiptar, rezervoi diçka edhe për çadrën e opozitës, më saktë kërkesat nga brenda saj, ku u shfaq i prerë për një “Jo” ndaj asaj çfarë kërkohet.
“PD duhet ta harrojë qeverinë teknike dhe shtyrjen e datës së zgjedhjeve”, theksoi Rama. /tesheshi.com/
