Komuna e Prishtinës të premten ka lançuar aplikacionin për trafikun urban, në vazhdën e digjitalizimit edhe të mëtejshëm të shërbimeve, të cilin qytetarët që sot mund ta shkarkojnë në telefonat e tyre.
Ky aplikacion do të ofrojë të gjitha të dhënat e nevojshme që qytetarët kanë nevojë të dinë.
Kryetari i komunës së Prishtinës, Shpend Ahmeti ka thënë se ky është skeleti apo baza e trafikut urban, ndërsa në vitin 2018 komuna e Prishtinës do të ketë edhe kartelat për trafikun urban. Parkingu do të paguhet me SMS, duke eliminuar sa më shumë pagesat ‘cash’ në mënyrë që të eliminohen keqpërdorimet.
Aplikacioni ju tregon në kohë reale vendndodhjen e autobusëve, stacionet dhe linjat. Së pari linjat 1 dhe 4 me autobusë të rinj e pastaj pas perfundimit të reformës edhe me operatorët privat do ta kemi sistemin e plotë”, thotë Ahmeti. /tesheshi.com/
