Komuna e Deçanit i ka ndarë ish-shefit të OSBE-së në Kosovë dhe mikut të madh të shqiptarëve, William Walker, çmimin “Shkëlzen Haradinaj” dhe “Mirënjohjen e Qytetit” të Deçanit.
Në ceremoninë e mbajtur në sallën e Asamblesë Komunale të Deçanit, të mbushur për plotë qytetarë të kësaj ane, kryetari i Komunës së Deçanit, Rasim Selmanaj, para se t’ia ndante çmimet ish-ambasadorit Walker, tha se 17 vjet më parë, Walker me një deklaratë në Reçak i dridhi themelet e Milosheviçit.
“Kjo deklaratë e sjelli edhe bombardimin e NATO-s në Kosovë. Ajo deklaratë ndërroi historinë në Kosovë atë kohë. Prandaj ai është njeri shumë meritor për lirinë e Kosovës dhe Komuna e Deçanit i ndanë sot dy çmime, dekoratën e heroit kombëtar Shkëlzen Haradinaj dhe Mirënjohjen e Qytetit, sepse Deçani dhe gjithë populli shqiptarë përgjithmonë do të jenë mirënjohës”, u shpreh Selmanaj.
Pasi pranoi çmimin “Shkëlzen Haradinaj” dhe u nderuar më “Mirënjohje Qyteti”, William Walker tha se në Deçan, ka kalur shumë shpesh dhe kujton edhe kohët më të këqija kur regjimi serbe shkatërroi gjithçka.
“Por dua të them se ju jeni njërit më të mirë që kam njohur në gjithë vendet ku kam qenë , jeni popull i dashur , mirëpritës dhe bujar . Nuk jam këtu që të jap deklarata politike por dua të them se nuk jam i kënaqur më situatën në Kosovë e kam menduar një Kosovë më ndryshe e jo si kjo”, tha Walker.
/tesheshi.com/
